نہ جلائیں، نہ پھینکیں۔۔۔

کنٹونمنٹ بورڈ کلفٹن نے شہریوں کو صاف اور خوشگوار ماحول فراہم کرنے اور غیر قانونی کچرا پھینکنے کی حوصلہ شکنی کے لیے گھر گھر کچرا جمع کرنے کی مہم کو مزید مؤثر بنا دیا ہے، جس کے تحت اس وقت 23 ہزار سے زائد رہائشی یونٹس کو یہ سہولت فراہم کی جا رہی ہے۔ تربیت یافتہ سالڈ ویسٹ مینجمنٹ عملہ، 50 سے زائد کمپیکٹرز اور خصوصی طور پر تیار کردہ گاڑیوں کے ساتھ تعینات کیا گیا ہے تاکہ رہائشیوں کے دروازے سے محفوظ اور مؤثر انداز میں کچرا جمع کیا جا سکے۔ یہ اقدام سی بی سی کے سی ای او محمد عمر فاروق علی ملک کی ہدایات کے مطابق کیا جا رہا ہے، جس کا مقصد صفائی کے اعلیٰ معیار کو برقرار رکھنا اور تمام شہریوں کے لیے صاف اور خوشگوار ماحول فراہم کرنا ہے۔ علاقہ وار شیڈول کے مطابق رہائشی یونٹس سے ایک دن چھوڑ کر کچرا جمع کیا جا رہا ہے۔ شہریوں سے اپیل ہے کہ وہ اپنے علاقے کے مقررہ شیڈول کے مطابق پولی کارٹس یا کچرے کے ڈبے سالڈ ویسٹ مینجمنٹ عملے کے حوالے کر کے بھرپور تعاون کریں۔ کسی بھی مسئلے کے فوری حل کے لیے شہری سی بی کیئر (CBCARE) ایپلیکیشن کے ذریعے شکایت درج کر سکتے ہیں۔ آئیے، مل کر اس مہم کو کامیاب بنائیں اور اپنے محلوں کو صاف ستھرا اور صحت مند رکھیں۔